點解會有搶先版呢樣野?哈哈~~因為有好幾個朋友都好心急想睇我果本婚禮花絮相簿,但尋晚我花左D時間來整果張生日卡,所以剩係夠時間整完個封面,而仲有相未print出來,所以今日俾唔到大家睇!!
不過....睇住封面先= =唔知收唔收貨呢?
成個封面用左我唔少時間...特別係D花花,又要簡,又要襯,又要噴閃閃粉....嗯,整左出來自己都幾滿意,大家俾D意見@@相片係用婚紗相,始終都係婚紗相好睇>O<講起當日婚禮影既相,就真係火都來埋....等我PO成本相簿時,再話俾大家知,發生左咩事!!
同之前D作品好colourful唔同既風格,我想試下用比較單調既色彩~~感覺都幾好!
成本相簿一共有6頁12個主題~~嘿嘿,用左小小新技術,希望到時候冇令大家失望>O<
應該星期六OR日就會PO上來同大家分享,大家到時候記得來參觀下!!哈哈~~
繼續呼籲下....請大家幫手"LIKE"下我個FB專頁~~唔該哂!!!
連結:
http://www.facebook.com/SweetMemoriesScrapbook
好啦,繼續去揀相先....希望唔好又揀到火滾\"/
Cool ! 好期待呀, 你的品味同我好一至, like !!!!
回覆刪除[版主回覆07/21/2012 05:59:24]哈哈~~多謝妳丫!! Iris~~好快有得睇^^
嘿嘿,我都覺得我地taste好一致~~哈哈
嘻嘻...婚紗相靚好正常吖!因為有得執,而且主角永遠企定定比人影,效果梗係好好多啦!!
回覆刪除結婚當日,啲人走嚟走去,機會得一次,所以影得好唔好,真的好睇攝影師嘅技巧~我記得當日個攝影師影的都係一般,唔太差又唔特出,反而化妝師、朋友哥哥影的,比到我很多驚喜^^
期待你的WEDDING ALBUM....可以分享你的甜蜜時刻!!
[版主回覆07/23/2012 22:39:13]哈哈~~呢d野唔可以用金錢來衡量既~~係一份心意...錢都買唔到!!
[Boo回覆07/23/2012 14:44:58]我都老公應該開心的,不過佢加咗句...靚好多,不過就價錢貴好多呢...哈哈!!
[版主回覆07/21/2012 20:45:52]我同妳一樣...都係因為婚禮而認識scrapbooking,唔係我諗而家既生活仲係好悶!
自己整既...點都唔同買既...我之所以會想自己整,就係覺得用人手整出來比果D用科技整出來的特別好多!!我諗妳老公收到一定好開心!!
[Boo回覆07/21/2012 12:00:57]加上你的修飾,完成後一定唔會令人失望!
我之前都整咗本wedding album送比老公做結婚週年禮物, 不過當時第一次接觸scrapbooking,所以買咗本現成有齊材料的scrapbooking album set,自己再加不同die cut整成.講真...價錢仲貴過買一本返嚟.哈哈!!
不過亦因為咁令我認識到scrapbooking,搵到自己的興趣^^
[版主回覆07/21/2012 06:04:22]妳講得好o岩!!但係我地當日果位攝影師真係好唔掂= =我揀相時發覺妹多相都背哂光= =..成張相白茫茫...所以我先揀到火滾!!
好彩我阿叔有幫我影snap shot,尋日終於揀好相,今日應該可以完成!!
多謝妳既期待,希望冇令妳失望!!嘻嘻
相簿好靚!
回覆刪除[版主回覆07/23/2012 00:12:34]多謝你既讚賞^^